രണ്ടാം ഏകദിനത്തിനുള്ള പന്ത്രണ്ട് അംഗ ടീമിനെ ഇന്ത്യ പ്രഖ്യാപിച്ചു
Last Updated:
വിശാഖപട്ടണം: വിന്ഡീസിനെതിരായ രണ്ടാം ഏകദിനത്തിനുള്ള പന്ത്രണ്ട് അംഗ ടീമിനെ ഇന്ത്യ പ്രഖ്യാപിച്ചു. ആദ്യ ഏകദിനത്തിനുള്ള ടീമില് നിന്ന് മാറ്റങ്ങള് വരുത്താതെയാണ് രണ്ടാം ഏകദിന ടീമിനെയും ബിസിസിഐ പ്രഖ്യാപിച്ചത്. നാളെ വിശാഖപട്ടണത്താണ് രണ്ടാം മത്സരം നടക്കുന്നത്.
10000 ക്ലബ്ബില് പ്രവേശനം കാത്തിരിക്കുന്ന വിരാട് കോഹ്ലി തന്നെയാണ് ഇന്ത്യ നായകന് ആദ്യ മത്സരത്തില് സെഞ്ച്വറി നേടിയ കോഹ്ലിയും രോഹിത്തും നയിക്കുന്ന ടീമില് ആദ്യ മത്സരത്തില് തിളങ്ങാതിരുന്ന ധവാന് തന്നെയാകും ഇന്നിങ്ങ്സ് തുടങ്ങുക. ഒന്നാം ഏകദിനത്തില് അരങ്ങേറിയിട്ടും ബാറ്റെടുക്കാന് അവസരം കിട്ടാതിരുന്ന ഋഷഭ് പന്ത് നാളെയും കളത്തിലിറങ്ങും.
ഭൂവനേശ്വര് കുമാറിന്റെയും ജസ്പ്രീത് ബൂംറയുടെയും അഭാവത്തില് ടീമിലെ അനുഭവ സമ്പത്തുള്ള താരങ്ങളായ ഉമേഷ് യാദവും മൊഹമ്മദ് ഷമിയും തന്നെയാകും ഇന്ത്യയുടെ ബൗളിങ്ങ് ആക്രമണം നയിക്കുക. ആദ്യ മത്സരത്തില് മൂന്ന് ഫാസ്റ്റ് ബൗളേഴ്സ് ഇടംപിടിച്ചപ്പോള് കുല്ദീപ് യാദവായിരുന്നു പുറത്തിരുന്നത്.
advertisement
ടീം: ശിഖര് ധവാന്, രോഹിത് ശര്മ, വിരാട് കോഹ്ലി, അമ്പാട്ടി റായിഡു, ഋഷഭ് പന്ത്, എംഎസ് ധോണി, രവീന്ദ്ര ജഡേജ, കുല്ദീപ് യാദവ്, ചാഹല്, ഉമേഷ് യാദവ്, മൊഹമ്മദ് ഷമി, ഖലീല് അഹമ്മദ്.
Click here to add News18 as your preferred news source on Google. ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
Oct 23, 2018 5:29 PM IST
