ധോണി ഉണ്ടായിരുന്നെങ്കിലോ എന്ന് ചോദിച്ചില്ലെ? ദേ ഇതാണ് ഉത്തരം; വൈറലായി തലയുടെ റണ്‍ഔട്ട്

വെല്ലിങ്ടണ്‍: ഇന്ത്യാ ന്യൂസിലന്‍ഡ് നാലാം ഏകദിനത്തില്‍ ഇന്ത്യ പരാജയപ്പെട്ടപ്പോള്‍ ആരാധകര്‍ അഭിപ്രായപ്പെട്ടത് ധോണിയുടെ അഭാവമാണ് ടീമിന് തിരിച്ചടിയായതെന്നായിരുന്നു. ഇതിനു പിന്നാലെ അഞ്ചാം ഏകദിനത്തില്‍ ധോണിയെ ഉള്‍പ്പെടുത്തി ടീം കളത്തിലിറങ്ങിയപ്പോള്‍ ബാറ്റിങ്ങില്‍ ധോണി പരാജയപ്പെടുകയും ചെയ്തു. ഇതോടെ ധോണി വിമര്‍ശകര്‍ 'ധോണി ഉണ്ടായിരുന്നെങ്കിലോ എന്ന പരിഹാസവുമായി രംഗത്തെത്തിയിരുന്നു. എന്നാല്‍ താനുണ്ടെങ്കില്‍ ടീമിന് എന്താണ് നേട്ടമെന്ന കാണിച്ച് തരുന്നതായിരുന്നു വിക്കറ്റിനു പിന്നിലെ 'തല'യുടെ പ്രകടനം.