പോരടിച്ച് താരങ്ങളുടെ ഭാര്യമാര്‍; ശ്രീലങ്കന്‍ ക്രിക്കറ്റിന് മറ്റൊരു നാണക്കേട് കൂടി

'ടീമില്‍ സ്ഥാനം നിലനിര്‍ത്താനും ക്യാപ്റ്റന്‍ സ്ഥാനം തിരിച്ചുപിടിക്കാനും ടീമിലെ ഒരംഗം ശ്രീലങ്കന്‍ കായികമന്ത്രിയുമായി കൂടിക്കാഴ്ച്ച നടത്തിയെന്നായിരുന്നു' ടാനിയ ഫേസ്ബുക്കില്‍ കുറിച്ചത്. താരങ്ങളുടെ ആരുടെയും പേര് പരാമര്‍ശിച്ചില്ലെങ്കിലും പാണ്ടയുടെ ചിത്രവും ഇതിനോടൊപ്പം പേസ്റ്റ് ചെയ്തിരുന്നു. പെരേരയുടെ വിളിപ്പേരാണ് പാണ്ട എന്നത്.

ഇതോടെ വിമര്‍ശനത്തിന് മറുപടിയുമായെത്തിയ ഷെരാമി 'സിംഹത്തിന്റെ വസ്ത്രമണിഞ്ഞെന്നു കരുതി ചെന്നായ സിംഹമാകില്ലെ'ന്ന് മറുപടി നല്‍കുകയയിരുന്നു. താരങ്ങളുടെ ഈഗോ പ്രശനവും ടീമിന്റെ തുടര്‍ തോല്‍വികളും തലവേദനയാകുന്നതിനിടെയാണ് ലങ്കന്‍ ബോര്‍ഡിനു മുന്നില്‍ താരങ്ങളുടെ ഭാര്യമാരുടെ പരാതിയും എത്തുന്നത്. ന്യൂസിലന്‍ഡില്‍ ഏകദിന ടി20 പരമ്പരകള്‍ നഷ്ടപ്പെട്ട ശ്രീലങ്ക ഓസീസിനെതിരായ ആദ്യ ടെസ്റ്റ് മത്സരത്തിലും പരാജയപ്പെട്ടിരിക്കുകയാണ്.