Ram Mandir | രാമക്ഷേത്രം ന്യൂയോർക്കിലെ ടൈംസ് സ്ക്വയറിലും; ചിത്രം എത്തിയത് വിവാദങ്ങൾക്കൊടുവിൽ

ടൈംസ് സ്ക്വയറിലെ ഏറ്റവും ചെലവേറിയ ഡിജിറ്റൽ പരസ്യബോർഡുകളിൽ ഒന്നിലാണ് രാമക്ഷേത്രത്തിന്‍റെയും ശ്രീരാമന്‍റെയും ചിത്രം ദൃശയമായത്. ക്ഷേത്രത്തിന്റെ ശിലാസ്ഥാപന ദിനം ആഘോഷിക്കുന്നതിന്‍റെ ഭാഗമായാണ് രാവിലെ 10 മുതൽ രാത്രി 10 വരെ ചിത്രം പ്രദർശിപ്പിക്കുന്നത്.

മുസ്ലീം സംഘടനകളുടെ പ്രതിഷേധത്തെ തുടർന്ന് രാമക്ഷേത്ര പരസ്യം നൽകുന്നതിൽനിന്ന് പരസ്യകമ്പനിയായ ബ്രാൻഡഡ് സിറ്റീസ് പിൻമാറിയതായി റിപ്പോർട്ടുകളുണ്ടായിരുന്നു. പരസ്യചിത്രം പ്രദർശിപ്പിക്കുന്നതിനെതിരെ ന്യൂയോർക്ക് ഗവർണർക്ക് ഉൾപ്പടെ വിവിധ സംഘടനകൾ പരാതി നൽകിയിരുന്നു. എന്നാൽ അവസാന നിമിഷം ചിത്രം പ്രദർശിപ്പിക്കാൻ തീരുമാനിക്കുകയായിരുന്നു.

ചടങ്ങിന് മുന്നോടിയായി പ്രധാനമന്ത്രി നരേന്ദ്ര മോദി പ്രത്യേക പ്രാർത്ഥനയ്ക്കായി പത്താം നൂറ്റാണ്ടിലെ ഹനുമാൻ ഗാരി ക്ഷേത്രം സന്ദർശിച്ചു. ഭൂമി പൂജയുടെ സ്ഥലത്ത് ഒരു പാരിജാത തൈയും അദ്ദേഹം നട്ടു. തറക്കല്ലിട്ടതിന്റെ അടയാളമായി ഒരു ഫലകം അനാച്ഛാദനം ചെയ്തതിനു പുറമേ ‘ശ്രീ രാം ജന്മഭൂമി മന്ദിർ’ എന്ന ചിത്രത്തിന്റെ സ്മാരക തപാൽ സ്റ്റാമ്പും പ്രധാനമന്ത്രി പുറത്തിറക്കി.