'ചന്ദ്രയാൻ' മുതൽ രജനീകാന്തിന്റെ 'കാവാല' വരെ: ഈ വർഷം ഇന്ത്യയിൽ ഏറ്റവും കൂടുതൽ പേർ കണ്ട യൂട്യൂബ് വീഡിയോകൾ

2023ൽ ഇന്ത്യക്കാർ ഏറ്റവും കൂടുതൽ കണ്ട വീഡിയോകളുടെ പട്ടിക യൂട്യൂബ് പുറത്ത് വിട്ടു. ലോകം മുഴുവൻ ഉറ്റു നോക്കിയ ഇന്ത്യയുടെ ചന്ദ്രയാൻ -3 ദൗത്യം ആണ്, 2023 ൽ യൂട്യൂബിൽ ഏറ്റവുമധികം ആളുകൾ കണ്ട വീഡിയോയും ലോകത്തിൽ ഏറ്റവും അധികം പേർ ലൈവായി കണ്ട വീഡിയോയും ചന്ദ്രയാൻ - 3 ന്റെ വിക്ഷേപണമാണ്. 8.5 മില്യൺ ആളുകളാണ് വീഡിയോ ലൈവായി കണ്ടത്. ഇത് യൂട്യൂബിന്റെ സർവകാല റെക്കോർഡ് ആണെന്നാണ് വിവരം. 2023 ൽ ഏറ്റവും അധികം ആളുകൾ ഗൂഗിളിൽ തിരഞ്ഞ വിഷയങ്ങളുടെ പട്ടികയിലും ചന്ദ്രയാൻ - 3 ഇടം പിടിച്ചതായി ഗൂഗിൾ അടുത്തിടെ റിപ്പോർട്ട് ചെയ്തിരുന്നു. റൗണ്ട് 2ഹെൽ (Round2Hell) എന്ന യൂട്യൂബ് ചാനലിലെ മെൻ ഓൺ മിഷൻ (Men On Mission ) ആണ് പട്ടികയിൽ രണ്ടാം സ്ഥാനത്ത്.