HOME » NEWS » Buzz » HOW TO MAKE CHAPATI IN PRESSURE COOKER COOKING HACK IS GOING VIRAL AA

പ്രഷർ കുക്കറിൽ ചപ്പാത്തി ഉണ്ടാക്കുന്നത് എങ്ങനെ? വൈറലായി പാചക വീഡിയോ

തവയിൽ പാകം ചെയ്യുന്ന ചപ്പാത്തിയും പ്രഷർ കുക്കറിൽ പാകം ചെയ്യുന്ന ചപ്പാത്തിയും തമ്മിൽ കാഴ്ച്ചയിൽ വലിയ വ്യത്യാസമില്ല.

News18 Malayalam | news18-malayalam
Updated: May 21, 2021, 1:35 PM IST
പ്രഷർ കുക്കറിൽ ചപ്പാത്തി ഉണ്ടാക്കുന്നത് എങ്ങനെ? വൈറലായി പാചക വീഡിയോ
News18
  • Share this:
ഇന്ത്യയിൽ മിക്ക വീടുകളിലും ഉണ്ടാക്കുന്ന ഒരു സാധാരണ ഭക്ഷണമാണ് ചപ്പാത്തി. ചപ്പാത്തി ഉണ്ടാക്കുന്നതിന് ഒരു റോളിംഗ് പിൻ, റോളിംഗ് ബോർഡ്, തവ എന്നിവ ആവശ്യമാണ്. എന്നാൽ അടുത്തിടെ, ഒരു യുവതി തവ ഇല്ലാതെ ചപ്പാത്തി എങ്ങനെ പാചകം ചെയ്യാമെന്ന് കാണിച്ചു തരുന്ന വീഡിയോയാണ് സോഷ്യൽ മീഡിയയിൽ വൈറലായിരിക്കുന്നത്. ഈ വീഡിയോയിൽ, യുവതി പ്രഷർ കുക്കർ ഉപയോഗിച്ചാണ് ചപ്പാത്തിയുണ്ടാക്കുന്നത്.

വൈറൽ ക്ലിപ്പിൽ, ഒരു സ്ത്രീ അടുക്കളയിൽ ഒരു സ്റ്റൌവ് കത്തിച്ച് അതിൽ ഒരു പ്രഷർ കുക്കർ വച്ചിരിക്കുന്നത് കാണാം. തീ കൂട്ടിയിട്ടാണ് പ്രഷർ കുക്കർ സ്റ്റൌവിൽ വച്ചിരിക്കുന്നത്. തുടർന്ന് ഒരു റോളിംഗ് ബോർഡിൽ മൂന്ന് ചപ്പാത്തികൾ പരത്തി മൂന്ന് ചപ്പാത്തികളും ഒരുമിച്ച് പ്രഷർ കുക്കറിൽ നിക്ഷേപിക്കുന്നത് കാണാം. തുടർന്ന് കുക്കർ നന്നായി അടയ്ക്കുന്നു. 2 മിനിറ്റിന് ശേഷം കുക്കർ തുറക്കുന്നതാണ് പിന്നീട് കാണിക്കുന്നത്. കുക്കറിൽ നിന്ന് പാകം ചെയ്ത ചപ്പാത്തികളാണ് യുവതി പുറത്തെടുക്കുന്നത്.

തവയിൽ പാകം ചെയ്യുന്ന ചപ്പാത്തിയും പ്രഷർ കുക്കറിൽ പാകം ചെയ്യുന്ന ചപ്പാത്തിയും തമ്മിൽ കാഴ്ച്ചയിൽ വലിയ വ്യത്യാസമില്ല. കൂടുതൽ പാത്രങ്ങൾ വാങ്ങാൻ കഴിയാത്ത ബാച്ചിലേഴ്സിന് തീർച്ചയായും ഉപകാരപ്രദമായ ഒരു ടിപ്പാണിത്. വീഡിയോ കണ്ട നിരവധി സോഷ്യൽ മീഡിയ ഉപയോക്താക്കൾക്ക് ഈ ഹാക്ക് ഇഷ്ടപ്പെട്ടിട്ടുണ്ട്. അവർ തീർച്ചയായും ഇത് പരീക്ഷിച്ചു നോക്കുമെന്ന് പ്രതീക്ഷിക്കാം.

Viral Video ചുഴലിക്കാറ്റിൽ മരം കടപുഴകി വീഴുന്നതിനിടെ അത്ഭുതകരമായി രക്ഷപ്പെട്ട് യുവതി; വീഡിയോ വൈറൽ

പോലീസ് സ്റ്റേഷനിലെ പോലീസുകാർ പ്രഷർ കുക്കറിനെ ശ്വസന ഉപകരണമാക്കി മാറ്റി ചുറ്റും കൂടി നിന്ന് ആവി പിടിക്കുന്ന വാർത്ത അടുത്തിടെ പുറത്തു വന്നിരുന്നു. കർണാടകയിലെ സർജാപൂർ പോലീസ് സ്റ്റേഷനിലെ പോലീസ് ഉദ്യോഗസ്ഥരാണ് ഈ പുത്തൻ ആശയവുമായി രംഗത്തെത്തിയത്. പ്രഷർ കുക്കറിൽ വെള്ളവും ഔഷധസസ്യങ്ങളുടെ ഇലകളും വേപ്പ്, തുളസി, യൂക്കാലിപ്റ്റസ് എന്നിവയും ചേർത്ത് തിളപ്പിക്കും. നീരാവി വരാൻ തുടങ്ങുമ്പോൾ ഉദ്യോഗസ്ഥർ കുക്കറിൽ നിന്ന് ട്യൂബുകളിലൂടെ ശ്വസിക്കും.

കൂടുതൽ ആരോഗ്യമുള്ളവരായിരിക്കുകയും കോവിഡ് -19 മൂലം രോഗം വരില്ലെന്ന് ഉറപ്പാക്കുകയുമാണ് ഇപ്പോൾ ചെയ്യേണ്ടത്. വീട്ടിലേക്ക് മടങ്ങുന്നതിന് മുമ്പും ഷിഫ്റ്റിന് മുമ്പായും സർജാപൂർ സ്റ്റേഷനിലെ ഉദ്യോഗസ്ഥർ പ്രഷർകുക്കറിൽ നിന്ന് ആവി പിടിക്കാറുണ്ടെന്ന് സ്റ്റേഷൻ ചുമതലയുള്ള ഹരീഷ് വി ഹിന്ദുവിനോട് പറഞ്ഞിരുന്നു. പ്രഷർ കുക്കർ ഇപ്പോൾ സ്റ്റേഷനിലെ പതിവായി ശ്വസിക്കുന്ന വ്യായാമ ഉപകരണമായി മാറിയിരിക്കുകയാണ്.

പ്രഷർ കുക്കറിന്റെ ആശയം മംഗളൂരുവിലെ ബാർക്ക് പോലീസ് സ്റ്റേഷനിലും എത്തിയിട്ടുണ്ട്. ഇവിടെ ഉദ്യോഗസ്ഥർ നാല് വെന്റുകളുള്ള ഒരു സ്റ്റീൽ പൈപ്പിനെ തടിയുടെ ഒരു ഫ്രെയിമിലാണ് ബന്ധിപ്പിച്ചിരിക്കുന്നത്. മൂന്ന് വെന്റുകൾ ആവി പിടിക്കാൻ ഉപയോഗിക്കാം. നാലാമത്തേത് പ്രഷർ കുക്കറുമായി ബന്ധിപ്പിച്ചിരിക്കുന്നു. കഴിഞ്ഞ വർഷം ബെലഗാവിയിൽ ഇൻസ്പെക്ടർ ജ്യോതിർലിംഗ് ഹൊനകട്ടിയാണ് ഈ ഉപകരണം കണ്ടുപിടിച്ചത്.

Keywords:

Link:
Published by: Aneesh Anirudhan
First published: May 21, 2021, 1:35 PM IST
കൂടുതൽ കാണുക
അടുത്തത് വാര്‍ത്തകള്‍

Top Stories