PUBG Addict | പബ്ജി ഭ്രാന്ത്; കൗമാരക്കാരന്‍ തുലച്ചത് പിതാവിന്റെ അക്കൗണ്ടിലുണ്ടായിരുന്ന 16 ലക്ഷം രൂപ

ലോക്ക് ഡൗൺ കാലത്ത് ഓൺലൈൻ പഠനമെന്നു മാതാപിതാക്കളെ തെറ്റിദ്ധരിപ്പിച്ചാണ് മണിക്കൂറുകളോളം മകന്റെ മൊബൈൽ ഉപയോഗം. മാതാപിതാക്കളുടെ ഡെബിറ്റ് കാർഡ് വിവരങ്ങൾ ഫോണില്‍ തന്നെ സേവ് ചെയ്‌തിരുന്നു. അതുകൊണ്ടു തന്നെ ആരുമറിയാതെയുള്ള പണമിടപാടും എളുപ്പമായി. പണം പിൻവലിച്ചത് സംബന്ധിച്ച് ബാങ്കിൽ നിന്നുള്ള എസ്.എം.എസുകൾ ഡീലീറ്റ് ചെയ്യുകയും ചെയ്തു.

അടുത്തിടെ അക്കൗണ്ട് പരിശോധിച്ചപ്പോഴാണ് പണം നഷ്ടമായ വിവരം മാതാപിതാക്കൾ അറിയുന്നത്. പണം നഷ്ടമായത് മറയ്ക്കാൻ അമ്മയുടെയും അച്ഛന്റെയും അക്കൗണ്ടുകളിലെ പണം പരസ്പരം മാറ്റിയിടുകയും ചെയ്തു.  ഇതിനിടെ അമ്മയുടെ പ്രൊവിഡന്റ് ഫണ്ട് കാലിയായി.