Batman| റോബർട്ട് പാറ്റിൻസണിന് കോവിഡ് എന്ന് റിപ്പോർട്ട്; ബാറ്റ്മാൻ ചിത്രീകരണം നിർത്തിവെച്ചു

ചിത്രീകരണ സംഘത്തിലെ ഒരാൾക്ക് കോവിഡ് സ്ഥിരീകരിച്ചതിനെ തുടർന്ന് ബാറ്റ്മാൻ ഷൂട്ടിങ് താത്കാലികമായി നിർത്തിവെച്ചതായി നിർമാതാക്കളായ വാർണർ ബ്രോസ് അറിയിച്ചു. ആർക്കാണ് കോവിഡ് ബാധിച്ചതെന്ന് വ്യക്തമാക്കിയിടില്ല. റോബർട്ട് പാറ്റിൻസണിനാണ് കോവിഡ് സ്ഥിരീകരിച്ചതെന്ന് പാശ്ചാത്യ മാധ്യമങ്ങൾ റിപ്പോർട്ട് ചെയ്യുന്നു.

കോവിഡിനെ തുടർന്ന് നിശ്ചലമായ ഹോളിവുഡ് സിനിമാ വ്യവസായം അടുത്തിടെയാണ് വീണ്ടും പ്രവർത്തിച്ചു തുടങ്ങിയത്. ഇതിനിടയിലാണ് പ്രധാന ചിത്രത്തിലെ സംഘാംഗത്തിന് തന്നെ കോവിഡ് ബാധിച്ചത്.

യൂണിവേഴ്സൽ പിക്ചേർസ് നിർമിക്കുന്ന ജുറാസിക് വേൾഡ്, ജെയിംസ് കാമറൂണിന്റെ അവതാർ എന്നിവയുടെ ചിത്രീകരണവും പുനരാരംഭിച്ചിട്ടുണ്ട്. ടോം ക്രൂയിസ് നായകനാകുന്ന മിഷൻ ഇംപോസിബിളിന്റെ ചിത്രീകരണത്തിനും അനുമതി ലഭിച്ചിട്ടുണ്ട്.