സഹോദരനെ വിട്ടുകിട്ടാൻ യുവാവ് എസ്.പി ഓഫീസിനുള്ളിൽ തീകൊളുത്തി ജീവനൊടുക്കാൻ ശ്രമിച്ചു

ക്രിമിനൽ കേസുകളിൽ പ്രതിയായ രാഹുലിന്‍റെ സഹോദരൻ പ്രമോദിനെ പൊലീസ് അറസ്റ്റ് ചെയ്തിരുന്നു. ഇയാളെ മോചിപ്പിക്കുന്നതിനായി രാഹുൽ പൊലീസ് സ്റ്റേഷനിലെത്തിയെങ്കിലും മടക്കിയയ്കകുകയായിരുന്നു. ഇതേത്തുടർന്നാണ് രാഹുൽ എസ്.പി ഓഫീസിലെത്തിയത്. ഓഫീസിന് മുന്നലെത്തി ബഹളം വെച്ചെങ്കിലും ഇയാളെ എസ്.പിയുടെ ക്യാബിനിലേക്ക് കടത്തിവിട്ടിരുന്നില്ല. ഇതേത്തുടർന്നാണ് കൈയിൽ കരുതിയിരുന്ന പെട്രോൾ ദേഹത്ത് ഒഴിച്ചു തീകൊളുത്താൻ ശ്രമിച്ചത്.

എന്നാൽ സ്ഥലത്ത് ഉണ്ടായിരുന്ന പൊലീസ് ഉദ്യോഗസ്ഥർ അവസരോചിതമായി ഇടപെട്ട് തീകെടുത്തുകയായിരുന്നു. നിസാരമായ പൊള്ളലുകളോടെ രാഹുൽ രക്ഷപ്പെടുകയും ചെയ്തു. പെട്രോൾ കണ്ണിൽ വീണു കാഴ്ചയ്ക്ക് തകരാർ സംഭവിച്ച രാഹുലിനെ ഷാജഹാൻപുർ ജില്ലാ ആശുപത്രിയിൽ പ്രവേശിപ്പിച്ചിരിക്കുകയാണ്.