പൊലീസുകാരനെ പിടികിട്ടാപ്പുള്ളി കുത്തിപ്പരിക്കേൽപ്പിച്ചു; മറ്റൊരാൾക്ക് വയറിനു കുത്തേറ്റു

പെരിന്തല്‍മണ്ണ സ്റ്റേഷനിലെ സി.പി.ഒ. എം. പ്രമോദ്(31), സ്‌കൂട്ടര്‍ യാത്രക്കാരനായ ചെറുകര മലറോഡ് കൊള്ളിയില്‍ മുഹമ്മദ് സലീം(50) എന്നിവര്‍ക്കാണ് പരിക്കേറ്റത്. ഇവരെ പെരിന്തല്‍മണ്ണ ജില്ലാ ആശുപത്രിയില്‍ പ്രവേശിപ്പിച്ചു.

നിരവധി കേസുകളിലെ പിടികിട്ടാപുള്ളിയായ ഒളിവിലായിരുന്ന നിസാമുദ്ദീന്‍ കെ.എസ്.ആര്‍.ടി.സി. ക്ക് സമീപം ബൈക്കില്‍ എത്തിയിട്ടുണ്ടെന്ന വിവരത്തെ തുടര്‍ന്ന് പിടികൂടാനാണ് പോലീസ് സംഘമെത്തിയത്. പോലീസിനെ കണ്ടതോടെ നിസാമുദ്ദീന്‍ രക്ഷപ്പെടാന്‍ ശ്രമിച്ചു. നാട്ടുകാര്‍ ചേര്‍ന്ന് പിടിച്ചതോടെ കയ്യിലുണ്ടായിരുന്ന കത്തി വീശുകയായിരുന്നു. ഇതിനിടയിലാണ് പ്രമോദിന് ഇടതുകൈക്ക് പരിക്കേറ്റത്.

വിവിധ കേസുകളില്‍ പ്രതിയായ നിസാമുദ്ദീനെ അറസ്റ്റുചെയ്യാന്‍ കോടതി വാറന്റ് പുറപ്പെടുവിച്ചിരുന്നു.