മകളുടെ ഭർതൃമാതാവിനൊപ്പം നാടുവിട്ടു; ഒരുമാസത്തിനുശേഷം ഇരുവരും ജീവനൊടുക്കി

രാംനിവാസിന് ഒരു മകൾ മാത്രമേ ഉണ്ടായിരുന്നുള്ളൂ. ഇയാളുടെ ഭാര്യ വർഷങ്ങൾക്കു മുൻപ് മരിച്ചിരുന്നു. ആശാ റാണി ഭർത്താവിനും മകനും രണ്ട് പെൺമക്കൾക്കുമൊപ്പമായിരുന്നു താമസം. ഈ വർഷം മെയിൽ ആയിരുന്നു രാംനിവാസിന്റെ മകളും ആശാ റാണിയുടെ മകനുമായുള്ള വിവാഹം നടന്നത്. വിവാഹശേഷം മകളുടെ ഭർതൃവീട്ടിൽ രാംനിവാസ് പതിവായി പോകുമായിരുന്നു. ഇതിനിടയിലാണ് മകളുടെ ഭർതൃമാതാവായ ആശാ റാണിയുമായി രാംനിവാസ് അടുപ്പത്തിലായത്.

സെപ്തംബർ 23 നാണ് ഇരുവരും ഒളിച്ചോടിയത്. ഇരുവരുടേയും പ്രണയത്തിൽ ഇരു കുടുംബങ്ങളിൽ നിന്നും വലിയ രീതിയിലുള്ള എതിർപ്പ് നേരിട്ടിരുന്നു. ആശാ റാണിയുടെ ഭർത്താവിന്റെ പരാതിയിൽ ഇരുവരേയും കണ്ടെത്താനുള്ള അന്വേഷണം നടക്കുന്നതിനിടയിലാണ് ജീവനൊടുക്കിയ നിലയിൽ കണ്ടെത്തിയത്. ഇരുവരുടെയും ബന്ധത്തിൽ വീട്ടുകാരുടെ എതിർപ്പ് മൂലമുള്ള മനോവിഷമമാണ് ആത്മഹത്യയിലേക്ക് നയിച്ചതെന്ന് പോലീസ് പറഞ്ഞു. സംഭവത്തിൽ കൂടുതൽ അന്വേഷണം നടന്നുവരികയാണെന്നും പോലീസ് അറിയിച്ചു.