#ModiAt70 | 'ഇന്ത്യയുമായുള്ള തന്ത്രപരമായ പങ്കാളിത്തത്തിന് നരേന്ദ്ര മോദിയ്ക്ക് നന്ദി'; പ്രധാനമന്ത്രിക്ക് ജന്മദിനാശംസ നേർന്ന് റഷ്യൻ പ്രസിഡന്‍റ് വ്ലാഡിമിർ പുടിൻ

ന്യൂഡൽഹി: എഴുപതാം പിറന്നാൾ ആഘോഷിക്കുന്ന പ്രധാനമന്ത്രി നരേന്ദ്ര മോദിക്ക് ആശംസയുമായി റഷ്യൻ പ്രസിഡന്‍റ് വ്ലാഡിമിർ പുടിൻ. നരേന്ദ്ര മോദിക്ക് നല്ല ആരോഗ്യം, സന്തോഷം, ക്ഷേമം, വിജയം എന്നിവ നേരുന്നു. പ്രധാനമന്ത്രിക്ക് അയച്ച കത്തിലാണ് പുടിൻ ആശംസ നേർന്നത്. കഴിഞ്ഞ കുറച്ച് വർഷങ്ങളായി ഇന്ത്യയും റഷ്യയും തമ്മിലുള്ള സൗഹൃദവും സൗഹൃദപരവുമായ ബന്ധത്തെ താൻ വിലമതിക്കുന്നു. “നിങ്ങളുടെ എഴുപതാം ജന്മദിനത്തിൽ എന്റെ ഹൃദയംഗമമായ ആശംസകൾ” അദ്ദേഹം എഴുതി.

മോദിയുടെ പ്രവർത്തനങ്ങളെ പുടിൻ കത്തിൽ ശ്ലാഘിച്ചു. ഇന്ത്യൻ പ്രധാനമന്ത്രിയെന്ന നിലയിൽ അദ്ദേഹത്തിന്‍റെ പ്രവർത്തനം സഹജീവികളോടുള്ള ബഹുമാനവും അന്തർദേശീയ പ്രശംസ നേടിയെന്നും പുടിൻ പറഞ്ഞു. “നിങ്ങളുടെ നേതൃത്വത്തിൽ ഇന്ത്യ സാമൂഹിക-സാമ്പത്തിക, ശാസ്ത്ര, സാങ്കേതിക വികസനത്തിന്റെ പാതയിലൂടെ വിജയകരമായി മുന്നേറുകയാണ്,” പുടിൻ പറഞ്ഞു.

ഇന്ത്യയും റഷ്യയും തമ്മിലുള്ള പങ്കാളിത്തത്തെ കൂടുതൽ ശക്തിപ്പെടുത്തിയ ഭരണാധികാരികളാണ് മോദിയും പുടിനും. ജൂലൈയിൽ 2036 വരെ അധികാരം നിലനിർത്താൻ അനുവദിക്കുന്ന ഭരണഘടനഭേദഗതിക്ക് റഷ്യൻ വോട്ടർമാർ അംഗീകാരം നൽകിയതിനെത്തുടർന്ന് പുടിനെ അഭിനന്ദിച്ച ആദ്യ നേതാവായിരുന്നു മോദി.

നിയന്ത്രണ രേഖയിൽ (എൽ‌എസി) ഇന്ത്യയും ചൈനയും തമ്മിലുള്ള തർക്കങ്ങൾ പരിഹരിക്കാൻ റഷ്യ കഴിഞ്ഞ ഏതാനും മാസങ്ങളായി നിർണായക പങ്ക് വഹിച്ചു. കഴിഞ്ഞയാഴ്ച, റഷ്യ, ഇന്ത്യ, ചൈന രാജ്യങ്ങളിലെ വിദേശകാര്യ മന്ത്രിമാർ തമ്മിലുള്ള ത്രിരാഷ്ട്ര ഉച്ചകോടി മോസ്കോയിൽ നടന്നിരുന്നു.
You may also like:SBI | എടിഎമ്മിൽനിന്ന് പണം പിൻവലിക്കാൻ ഒടിപി; പുതിയ മാർഗനിർദേശവുമായി എസ്ബിഐ [PHOTOS]ഇടുക്കിയിൽ 13കാരിയെ പീഡിപ്പിച്ചു: അമ്മയുടെ മൂന്നാം ഭർത്താവ് അറസ്റ്റിൽ; സുഹൃത്തിനായി അന്വേഷണം [NEWS] യുവതിയുടെ ഫോൺ നമ്പർ ഡേറ്റിങ് ആപ്പിൽ ഇട്ടു; പതിനെട്ടുകാരൻ പിടിയിൽ [NEWS]
ഇരു രാജ്യങ്ങളും തമ്മിലുള്ള സൗഹൃദ ബന്ധത്തിന് ഊന്നൽ നൽകിയ പുടിൻ മോദിയുമായുള്ള ക്രിയാത്മക സംഭാഷണം തുടരാനും ഉഭയകക്ഷി, അന്തർദേശീയ അജണ്ടയിലെ വിഷയങ്ങളിൽ ഒരുമിച്ച് പ്രവർത്തിക്കാനും ആഗ്രഹിക്കുന്നുവെന്ന് കത്തിൽ വ്യക്തമാക്കി. “നമ്മുടെ രാജ്യങ്ങൾ തമ്മിലുള്ള പ്രത്യേകവും സവിശേഷവുമായ തന്ത്രപരമായ പങ്കാളിത്തം ശക്തിപ്പെടുത്തുന്നതിന് നിങ്ങളുടെ വ്യക്തിപരമായ സംഭാവന വിലമതിക്കാനാകാത്താണ്,” പുടിൻ കൂട്ടിച്ചേർത്തു.