ജൈവകൃഷി പേരില്‍ പോര; കൃഷി വകുപ്പും സര്‍ക്കാരും ജാഗ്രത പാലിക്കണം

തിരുവനന്തപുരം: കേരളം ഇന്ന് ചര്‍ച്ചചെയ്യുന്നത് പത്തനംതിട്ടയുടെ കിഴക്കേയറ്റത്തുള്ള ശബരിമലയെക്കുറിച്ചാണ്. എന്നാല്‍ അതേ ജില്ലയുടെ പടിഞ്ഞാറേയറ്റത്തുള്ള പെരിങ്ങരയില്‍ രണ്ടുദിവസം മുന്നേ ഒരു അപകടം നടന്നിരുന്നു. രാജ്യമൊട്ടാകെ ചര്‍ച്ചചെയ്യേണ്ട വിഷയമായിരുന്നിട്ടും യാതൊരു ശ്രദ്ധയും ലഭിക്കാതെയാണ് പെരിങ്ങരയിലെ കര്‍ഷകരുടെ മരണം കടന്നുപോകുന്നത്. പാടത്ത് മരുന്ന് തളിക്കുന്നതിനിടയിലായിരുന്നു രണ്ടുകര്‍ഷകര്‍ മരണപ്പെട്ടത്. ജൈവകൃഷിരീതിയെന്നും ജൈവ ഉത്പന്നങ്ങളെന്നും ബ്രാന്‍ഡ് ചെയ്ത് മലയാളികളുടെ അടുക്കളയിലെത്തുന്ന പച്ചക്കറികളും ധാന്യങ്ങളും മാരക കീടനാശിനികള്‍ പ്രയോഗിച്ചാണ് ഉത്പാദിപ്പിക്കുന്നതെന്ന് വ്യക്തമാക്കുന്നതായിരുന്നു കര്‍ഷകരുടെ ഈ മരണവാര്‍ത്ത.