ബിഷപ്പിനെ നുണപരിശോധനയ്ക്ക് വിധേയനാക്കാൻ പൊലീസ്
Last Updated:
കോട്ടയം: കന്യാസ്ത്രീയുടെ പീഡനപരാതിയിൽ അറസ്റ്റിലായ ബിഷപ്പ് ഫ്രാങ്കോ മുളയ്ക്കലിനെ നുണപരിശോധനയ്ക്ക് വിധേയനാക്കാൻ പൊലീസ്. ഇക്കാര്യം ആവശ്യപ്പെട്ട് പൊലീസ് കോടതിയിൽ അപേക്ഷ നൽകും. ബിഷപ്പ് ചോദ്യം ചെയ്യലിനോട് നിഷേധാത്മക സമീപനം സ്വീകരിച്ചുവെന്ന് ചൂണ്ടിക്കാട്ടിയാണ് നീക്കം. നുണപരിശോധനയ്ക്ക് ബിഷപ്പ് തയ്യാറായില്ലെങ്കിൽ പോലും കേസിനെ ശക്തിപ്പെടുത്തുന്ന നീക്കമായാണ് ഇതും പോലീസ് ചൂണ്ടിക്കാട്ടുന്നത്.
അതേസമയം, ഹൈക്കോടതിയിൽ ബിഷപ്പിന്റെ ജാമ്യാപേക്ഷ വരുന്ന സാഹചര്യത്തിൽ കന്യാസ്ത്രീയെ സ്വാധീനിക്കാൻ ശ്രമിച്ച കേസുകളിൽ ഒരാഴ്ചയ്ക്കുള്ളിൽ പൊലീസ് അന്വേഷണം പൂർത്തിയാക്കും. കേസ് ശക്തിപ്പെടുത്തുന്നതിന്റെ ഭാഗമായാണ് പൊലീസിന്റെ പുതിയ നീക്കം. കന്യാസ്ത്രീയെ സ്വാധീനിക്കാൻ ശ്രമിച്ച കേസിൽ സിഎംഐ സഭാവൈദികൻ ജെയിംസ് ഏർത്തയിൽ, ഇരയുടെ ചിത്രം പ്രചരിപ്പിച്ച സംഭവത്തിൽ മിഷനറീസ് ഓഫ് ജീസസ് വക്താവ് സിസ്റ്റർ അമല എന്നിവർക്കെതിരെ കേസുകൾ രജിസ്റ്റർ ചെയ്തിരുന്നു. ഈ കേസുകളിൽ ഒരാഴ്ചയ്ക്കുള്ളിൽ അന്വേഷണം പൂർത്തിയാക്കാൻ ജില്ലാ പോലീസ് മേധാവി ഹരിശങ്കർ അന്വേഷണ സംഘത്തലവൻ കെ സുഭാഷിന് നിർദേശം നൽകി.
advertisement
അറസ്റ്റ് ഉൾപ്പെടെയുള്ള നടപടികളും കേസിന്റെ ഭാഗമായി ഉടൻ നടക്കും. ജെയിംസ് ഏർത്തയിൽ നേരത്തെ പാലാ കോടതിയിൽ നിന്ന് നിന്ന് ജാമ്യം നേടിയിരുന്നു. ബിഷപ്പിന്റെ ഉന്നതസ്വാധീനം വ്യക്തമാക്കുന്നതാണ് സംഭവങ്ങളെന്ന് പോലീസ് ചൂണ്ടിക്കാട്ടുന്നു. ബിഷപ്പിന് ജാമ്യം ലഭിച്ചാൽ സാക്ഷികളെ സ്വാധീനിച്ച് കേസ് തന്നെ അട്ടിമറിക്കാൻ സാധ്യതയുണ്ടെന്നും പൊലീസ് കരുതുന്നു.
ഈ കേസുകളിൽ അന്വേഷണം പൂർത്തിയാക്കിയാൽ, ജാമ്യഹർജി പരിഗണിക്കുന്ന സമയത്ത് ഗുണകരമാകുമെന്നും പൊലീസ് കരുതുന്നു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
First Published :
Sep 23, 2018 2:53 PM IST
