പ്രചാരണത്തിന് ചെലവാക്കേണ്ട തുക വീട് വെക്കാൻ കൊടുത്തു; പോസ്റ്റർപോലുമില്ലാതെ മത്സരിച്ച BJP സ്ഥാനാർഥിക്ക് വൻവിജയം

തെരഞ്ഞെടുപ്പ് പ്രചാരണത്തിന് ചെലവാക്കേണ്ട പണം മുഴുവൻ മഞ്ജീഷ് വാർഡിലെ നിർധനനായ ഒരു വ്യക്തിക്ക് വീട് വയ്ക്കാൻ നൽകുകയായിരുന്നു. ഒമ്പതാം വാർഡ്‌ പുളിമൂട്ടിൽനിന്ന്‌ ജനവിധി തേടിയ ബി.ആർ.മഞ്ജീഷ് മുന്നൂറിൽപ്പരം വോട്ടിന്റെ ഭൂരിപക്ഷത്തിലാണ് വിജയിച്ചത്. വോട്ടെടുപ്പ് നടന്ന ദിവസം വോട്ടെടുപ്പ് കേന്ദ്രത്തിന് സമീപം തയ്യാറാക്കിയ താത്‌കാലിക ബൂത്തുകളിൽ മാത്രമാണ് ചുരുക്കം ചില പോസ്റ്ററെത്തിച്ചത്. ഇതും വേണ്ടെന്ന നിലപാടായിരുന്നു മഞ്ജീഷിനെന്ന് പ്രവർത്തകര്‍ പറയുന്നു.