ചലച്ചിത്രപുരസ്കാര വിതരണം: 'മുഖ്യമന്ത്രി കൊടുക്കാതിരുന്നത് കോവിഡ് വ്യാപന ആശങ്ക മൂലം; വിവാദം അനാവശ്യം:' മന്ത്രി ബാലൻ

തിരുവനന്തപുരം: സംസ്ഥാന ചലച്ചിത്ര വിതരണ വിവാദത്തിൽ പ്രതികരണവുമായി മന്ത്രി എ കെ ബാലൻ. മറ്റുള്ളവരിൽ നിന്ന് തനിക്കോ തന്നിൽ നിന്ന് മറ്റുള്ളവർക്കോ കോവിഡ് വ്യാപനമുണ്ടാകരുതെന്ന ഉദ്ദേശ്യത്തോടെയാണ് മുഖ്യമന്ത്രി പിണറായി വിജയൻ സംസ്ഥാന ചലച്ചിത്ര അവാർഡുകൾ കൈ കൊണ്ട് എടുത്തു കൊടുക്കാതിരുന്നതെന്ന് മന്ത്രി പറഞ്ഞു. അവാർ‍ഡ് ജേതാക്കളെ സർക്കാർ അപമാനിച്ചു എന്നു പറയുന്ന പ്രതിപക്ഷ നേതാവ് രമേശ് ചെന്നിത്തല, കേരള യാത്രയിലൂടെ കോവിഡ് പടർത്തുകയാണ്. അന്യരെക്കൊണ്ടു തന്റെ ശരീരം തോളിലിട്ടു ദീർഘദൂരം നടത്തുന്ന അധമബോധം മൂലമാണ് ചെന്നിത്തലയുടെ വിമർശനമെന്നും ബാലൻ കുറ്റപ്പെടുത്തി.