'കമല ഇന്റര്‍നാഷണല്‍ എന്ന സ്ഥാപനം ഉണ്ടെന്നു വരെ ആക്ഷേപമുണ്ടായി'; സ്പ്രിങ്ക്ളർ ആരോപണം തള്ളി മുഖ്യമന്ത്രി

"കമല എന്റെ ഭാര്യയുടെ പേരാണ്. അവരുടെ പേരില്‍ കമല ഇന്റര്‍നാഷണല്‍ എന്ന സ്ഥാപനം വിദേശത്തുണ്ടെന്ന് ആക്ഷേപമുണ്ടായിട്ടുണ്ട്. എന്റെ വീട് ഒരു രമ്യഹര്‍മമാണ്, പൊന്നാപുരം കോട്ടയാണ് എന്ന രീതിയില്‍ ഒരു ചിത്രം പ്രദര്‍ശിപ്പിച്ചത് കണ്ടിട്ടില്ലേ? അങ്ങനെയെന്തെല്ലാം ആരോപണങ്ങളാണ് ഉണ്ടായത്. എന്റെ മകള്‍ കോയമ്പത്തൂര്‍ അമൃതാനന്ദമയിയുടെ കോളേജില്‍ പഠിക്കാന്‍ പോയതിനെ കുറിച്ച് വാര്‍ത്തയായിരുന്നു. കോളേജില്‍ ചേര്‍ന്നപ്പോള്‍ വാര്‍ത്തയായിരിന്നു. പഠനം കഴിഞ്ഞ ഉടനെ മകള്‍ക്ക് ഒറാക്കളില്‍ ജോലി കിട്ടി. അത്സ്വാധീനം കൊണ്ടാണെന്ന് പറയാന്‍ സാധിക്കാത്തതിനാല്‍ വാര്‍ത്തയൊന്നും വന്നില്ല. മകന്റെ പഠനവുമായി ബന്ധപ്പെട്ട് എന്തെല്ലാം വാര്‍ത്തകളായിരുന്നു." മുഖ്യമന്ത്രി പറഞ്ഞു.