കണ്ണൂരിൽ സി.പി.എം നിയന്ത്രണത്തിലുള്ള സഹകരണബാങ്കില്‍ ലക്ഷങ്ങളുടെ പണയ തട്ടിപ്പ്; ജില്ലാ നേതാവിന്‍റെ മകനായ ജീവനക്കാരനെ പുറത്താക്കി

കണ്ണൂർ: സി.പി.എം നിയന്ത്രണത്തിലുള്ള സഹകരണ ബാങ്കിൽ ജില്ലാ നേതാവിന്‍റെ മകൻ നടത്തിയത് ലക്ഷങ്ങളുടെ സ്വർണ പണയ തട്ടിപ്പ്. പേരാവൂർ കൊളക്കാട് സർവ്വീസ് സഹകരണ ബാങ്കിലാണ് സംഭവം. ബാങ്ക് ജീവനക്കാരനായ ഇയാൾ ആളുകൾ പണയത്തിന് വെച്ച സ്വർണം വ്യാജരേഖയുണ്ടാക്കി ഇതേ ബാങ്കിൽ വീണ്ടും പണയം വെച്ചാണ് തട്ടിപ്പ് നടത്തിയത്. 38 ലക്ഷത്തിലേറെ രൂപയുടെ തിരിമറിയാണ് നടന്നത്. പണം തിരിച്ചടച്ച് രക്ഷപ്പെടാൻ ശ്രമിക്കുന്നതിനിടെ പിടിക്കപ്പെട്ടതോടെ ജീവനക്കാരനെ സസ്‌പെൻഡ് ചെയ്ത് തടിയൂരാനാണ് ബാങ്കിന്‍റെ ശ്രമം.