രണ്ടാം പിണറായി സര്‍ക്കാറിനെ അഭിനന്ദിച്ച് പികെ കുഞ്ഞാലിക്കുട്ടി; രൂക്ഷ വിമര്‍ശനവുമായി പ്രവര്‍ത്തകര്‍

ലോക്‌സഭാംഗത്വം രാജിവെച്ച് വന്നും പി.കെ കുഞ്ഞാലിക്കുട്ടിയിലുള്ള അധികാര കേന്ദ്രീകരണവുമാണ് തെരഞ്ഞെടുപ്പില്‍ പാര്‍ട്ടിക്ക് വലിയ തിരിച്ചടിയുണ്ടാകാന്‍ കാരണമെന്നാണ് ലീഗ് പ്രവര്‍ത്തകരുടെ വിമര്‍ശനം. പി.കെ അബ്ദുറബ്ബ് ഉള്‍പ്പെടെയുള്ള ലീഗ് നേതാക്കളും സമാനമായ വിമര്‍ശനം പരസ്യമായി ഉന്നയിച്ചിരുന്നു.

നേതൃമാറ്റം വേണമെന്നുള്‍പ്പെടെ പാര്‍ട്ടിക്കുള്ളില്‍ മുറവിളി ഉയരുന്നതിന് പിന്നാലെയാണ് കുഞ്ഞാലിക്കുട്ടിയുടെ എഫ്.ബി പോസ്റ്റിന് താഴെ പ്രവര്‍ത്തകര്‍ തുടര്‍ച്ചയായി വിമര്‍ശനം ഉന്നയിക്കുന്നത്.

ഇന്ന് സത്യപ്രതിജ്ഞ ചെയ്ത് അധികാരമേൽക്കുന്ന ശ്രീ.പിണറായി വിജയന്റെ നേതൃത്വത്തിലുള്ള മന്ത്രി സഭക്ക്‌ അഭിനന്ദനങ്ങൾ. മുഖ്യമന്ത്രിയെ വിളിച്ച് ആശംസകൾ നേർന്നു.

ഈ മഹാമാരിയുടെ പശ്ചാത്തലത്തിൽ Virtual ആയി ചടങ്ങ് വീക്ഷിക്കും. പ്രതിസന്ധിയുടെ ഈ കാലത്ത് ജനങ്ങൾ സർക്കാറിൽ അർപ്പിച്ച വിശ്വാസം സംരക്ഷിക്കാൻ അധികാരമേൽക്കുന്ന സർക്കാറിന് കഴിയട്ടെ. ഏറ്റവും മികച്ചതും ക്രിയാത്മകവുമായ പ്രതിപക്ഷമായി യു.ഡി.എഫ് ഉണ്ടാവും. ഒന്നിച്ച് നിൽക്കേണ്ട വിഷയങ്ങളിൽ സർക്കാറിന് പൂർണ്ണ പിന്തുണ നൽകും, വിയോജിപ്പുകൾ ശക്തമായി രേഖപ്പെടുത്തുകയും ചെയ്യും.