'മുഖ്യമന്ത്രി ഇനിയെങ്കിലും ജലീലിന്‍റെ രാജി ആവശ്യപ്പെടുമോ?'; പ്രതിപക്ഷനേതാവ് രമേശ് ചെന്നിത്തല

ആലപ്പുഴ: സംസ്ഥാനത്തെ ഒരു മന്ത്രി എൻഐഎയുടെ ചോദ്യം ചെയ്യലിന് വിധേയനാകുന്നത് ആദ്യമാണെന്ന് പ്രതിപക്ഷനേതാവ് രമേശ് ചെന്നിത്തല. രാജ്യദ്രോഹകുറ്റങ്ങളുമായി ബന്ധപ്പെട്ടാണ് സാധാരണ എൻഐഎ ചോദ്യം ചെയ്യാറുള്ളത്. മുഖ്യമന്ത്രി ഇനിയെങ്കിലും കെ.ടി ജലീലിന്‍റെ രാജി ആവശ്യപ്പെടുമോയെന്നും രമേശ് ചെന്നിത്തല ചോദിച്ചു. ഹരിപ്പാട്ടെ പ്രതിപക്ഷനേതാവിന്‍റെ ക്യാംപ് ഓഫീസിൽ നടത്തിയ വാർത്താസമ്മേളനത്തിലാണ് രമേശ് ചെന്നിത്തല ഇക്കാര്യം ചോദിച്ചത്.