തിരമാലകൾക്കപ്പുറം അന്ധവിശ്വാസങ്ങളെയും തോല്പിച്ച രേഖ; രാജ്യത്തെ ആദ്യ ലൈസൻസ്ഡ് മത്സ്യ തൊഴിലാളി വനിത

രാജ്യത്തെ ആദ്യ ലൈസൻസ്ഡ് മത്സ്യതൊഴിലാളി സ്ത്രീയായ രേഖയെ ഇനി കടബാധ്യതകൾ അലട്ടില്ല. സമുദ്രോത്പന്ന കയറ്റുമതി സ്ഥാപനങ്ങളുടെ സംഘടനയായ സീ ഫുഡ് എക്സ്പോര്‍ട്ടേഴ്സ് അസോസിയേഷന്‍ കേരള ചാപ്റ്റര്‍ രേഖയുടെ 3 ലക്ഷത്തോളം രൂപ വരുന്ന ഭവനവായ്പ പലിശയടക്കം തിരിച്ചടയ്ക്കും. ഭര്‍ത്താവ് കാര്‍ത്തികേയന്‍റെ ശസ്ത്രക്രിയ്ക്കുള്ള 2.5 ലക്ഷം രൂപയും ഇളയ രണ്ട് കുട്ടികളുടെ പ്ലസ് ടു വരെയുള്ള പഠനവും ടേസ്റ്റി നിബിള്‍സ് ഗ്രൂപ്പ് വഹിക്കുമെന്ന് അറിയിച്ചു. വള്ളവും എന്‍ജിനും വാങ്ങിക്കാന്‍ എടുത്ത വായ്പയായ 1.1 ലക്ഷം രൂപ എഎഫ്ഡിസി ഗ്രൂപ്പ് നല്‍കും.