Women's Day 2020 | സ്ത്രീകളുടെ പ്രശ്നങ്ങൾക്ക് നിങ്ങളുടെ പക്കൽ പരിഹാരമുണ്ടോ? കേരള സ്റ്റാർട്ട്അപ്പ് മിഷന്‍ ഹാക്കത്തോണിലേക്ക് വരൂ

വ്യക്തിപരമായും സാമൂഹ്യപരമായും സ്ത്രീകള്‍ അനുഭവിക്കുന്ന പ്രശ്നങ്ങള്‍ക്കുള്ള പരിഹാരമാണ് ഹാക്കത്തോണിലൂടെ മത്സരാര്‍ത്ഥികള്‍ കണ്ടുപിടിക്കേണ്ടത്. മാര്‍ച്ച് 7,8 തിയതികളില്‍ കളമശ്ശേരി ഇന്‍റഗ്രേറ്റഡ് സ്റ്റാര്‍ട്ടപ്പ് കോംപ്ലക്സിലാണ് ഹാക്കത്തോണ്‍ നടക്കുന്നത്. മാര്‍ച്ച് 9 തിങ്കളാഴ്ച 3.30 മുതല്‍ 5 മണിവരെ 'ഈച്ച് ഫോര്‍ ഈക്വല്‍' എന്ന വിഷയത്തിലാണ് വിദഗ്ധര്‍ നയിക്കുന്ന പാനല്‍ ചര്‍ച്ച.

പരമാവധി ആറു പേരടങ്ങുന്ന സംഘത്തിന് ഹാക്കത്തോണില്‍ പങ്കെടുക്കാം. സംഘത്തില്‍ വനിതാ പ്രാതിനിധ്യം നിര്‍ബന്ധമാണ്. ആര്‍ത്തവ ശുചിത്വവും ബോധവത്കരണവും, ആരോഗ്യവിദ്യാഭ്യാസവും നിരീക്ഷണവും, തൊഴിലിടങ്ങളിലെ സ്ത്രീയും തൊഴില്‍ സംസ്കാരത്തിലെ പുരോഗതിയും, സൈബര്‍ ഇടത്തിലെ അപകടസാധ്യതയെക്കുറിച്ചുള്ള ബോധവത്കരണം, അമ്മയാകുമ്പോള്‍ ലഭിക്കേണ്ട ഉപദേശവും നിരീക്ഷണവും, വാര്‍ധക്യകാല പരിചരണം എന്നിവയാണ് ഹാക്കത്തോണിന് നല്‍കിയിരിക്കുന്ന വിഷയങ്ങള്‍.

http://bit.ly/iwdpanel എന്ന വെബ്സൈറ്റിലൂടെ പാനല്‍ ചര്‍ച്ചയില്‍ രജിസ്റ്റര്‍ ചെയ്യാം.