WOMEN’S DAY 2020 | സ്ത്രീകളുടെ നിയന്ത്രണത്തില്‍ കുതിച്ച് വേണാട് എക്സ്പ്രസ്: വനിതാ ദിനത്തിൽ ചരിത്രമെഴുതി മരിയ ഗൊരോത്തിയും സംഘവും

എറണാകുളം വരാപ്പുഴ സ്വദേശി മരിയ ഗൊരോത്തിയുടെ നേതൃത്വത്തിലാണ്  ട്രെയിന്‍ കുതിച്ചു പാഞ്ഞത്. ലോക്കോ പൈലറ്റ്, അസി. ലോക്കോ പൈലറ്റ്, ഗാര്‍ഡ്, പോയിന്റ്‌സ്‌മെന്‍, ഗേറ്റ് കീപ്പര്‍, ട്രാക്ക് വുമന്‍, ടി ടി ഇ  എല്ലാം വനിതകളുടെ നിയന്ത്രണത്തില്‍ തന്നെ. സുരക്ഷയ്ക്കായി റയില്‍വേ പ്രൊട്ടക്ഷന്‍ ഫോഴ്‌സിലെ വനിതാ ഉദ്യോഗസ്ഥരുമുണ്ട്.

ട്രെയിന്‍ പുറപ്പെടും മുമ്പ് ദക്ഷിണ റെയില്‍വെയുടെ വക എറണാകുളം ജംഗ്ഷനിൽ അനുമോദന പരിപാടി സംഘടിപ്പിച്ചു. ഡിസിപി ജി. പൂങ്കുഴലിയുള്‍പ്പെടെ പ്രമുഖര്‍ ചടങ്ങിനെത്തി. സമാനമായ ജോലികൾ ഇവരിൽ പലരും മുമ്പും ചെയ്തിട്ടുണ്ടെങ്കിലും ഒരു എക്സ്പ്രസ് ട്രെയിനിന്റെ നിയന്ത്രണം പൂർണമായും വനിത ജീവനക്കാരിൽ ഏൽപ്പിക്കുന്നത് ഇതാദ്യമാണ്.