സുഖമില്ലാത്ത കുട്ടിയെയുമെടുത്ത് ഹർമൻപ്രീത്; കൈയടിച്ച് സോഷ്യൽ മീഡിയ

ഗയാന: ലോക വനിതാ ടി20യിൽ ഇന്ത്യ-പാകിസ്ഥാൻ പോരാട്ടം തുടങ്ങാൻ നിമിഷങ്ങൾ മാത്രം. കളിക്ക് മുമ്പ് ദേശീയഗാനാലാപനത്തിനായി ഇരു ടീമുകളും നിരന്നു. ടീമിലെ ഓരോരുത്തർക്കുമൊപ്പം ഭാഗ്യപ്രതീകമായി ഓരോ കുട്ടികളുമുണ്ട്. ജനഗണമന ആലാപനത്തിന് ശേഷം മൈതാനത്ത് തളർന്നുവീഴാൻ തുടങ്ങിയ കുട്ടിയെയുമെടുത്ത് ഇന്ത്യൻ ക്യാപ്റ്റൻ ഹർമൻപ്രീത് കൗർ. കുട്ടിയെ സംഘാടക വോളണ്ടിയർക്ക് കൈമാറിയശേഷമാണ് ഹർമൻ മൈതാനത്തേക്ക് പോയത്. ഈ ദൃശ്യം കളികാണാനെത്തിയ മുഷ്ഫിഖർ എന്നയാൾ മൊബൈലിൽ ചിത്രീകരിച്ചു. ട്വിറ്ററിൽ പോസ്റ്റ് ചെയ്ത ദൃശ്യങ്ങൾ ഇപ്പോൾ ഇപ്പോൾ സമൂഹമാധ്യമങ്ങളിൽ വൈറലാണ്. മനുഷ്യത്വപരമായ പ്രവർത്തിക്ക് ഹർമൻപ്രീതിന് നിറഞ്ഞ കൈയടിയാണ് സമൂഹമാധ്യമങ്ങളിൽ ലഭിക്കുന്നത്.