India Vs Australia | ടി. നടരാജൻ ടെസ്റ്റ് ടീമിൽ; പരിക്കേറ്റ ഉമേഷ് യാദവിന്‍റെ പകരക്കാരനാകും

Last Updated:

തമിഴ്നാട്ടിലെ സേലത്തിൽ നിന്ന് 36 കിലോമീറ്റർ അകലെയുള്ള ചിന്നപ്പംപട്ടിയിൽ നിന്ന് ഓസ്ട്രേലിയ വരെ വന്നുനിൽക്കുന്ന നടരാജന്റെ ജീവിതം ആയിരക്കണക്കിന് യുവാക്കൾക്ക് പ്രചോദനമാണ്

മെൽബൺ: ഏകദിനത്തിനും ടി20യ്ക്കും പിന്നാലെ തമിഴ്നാട്ടിൽനിന്നുള്ള പേസർ ടി നടരാജൻ ഇന്ത്യയുടെ ടെസ്റ്റ് ടീമിൽ ഓസ്ട്രേലിയയ്ക്കെതിരായ അവസാന രണ്ടു ടെസ്റ്റുകൾക്കുള്ള ടീമിലാണ് നടരാജനെ ഉൾപ്പെടുത്തിയത്. പരിക്കേറ്റ ഉമേഷ് യാദവിനു പകരമായാണ് നടരാജനെ ടീമിൽ ഉൾപ്പെടുത്തിയത്. ഏകദിന, ടി20 പരമ്പരയ്ക്കുശേഷം ടെസ്റ്റ് ടീമിന്‍റെ നെറ്റ് ബൌളറായി ടി നടരാജനെ ഓസ്ട്രേലിയയിൽ തുടരാൻ അനുവദിക്കുകയായിരുന്നു.
ഇന്ത്യയുടെ മുൻനിര ബൌളർമാരിൽ മൂന്നു പ്രമുഖർക്ക് പരിക്കേറ്റതോടെയാണ് നടരാജൻ ഉൾപ്പടെയുള്ള യുവതാരങ്ങൾക്ക് അവസരം ലഭിച്ചത്. ഇഷാന്ത് ശർമ്മ, മൊഹമ്മദ് ഷമി എന്നിവരാണ് ഉമേഷ് യാദവിന് മുമ്പ് പരിക്ക് കാരണം ടിമിൽ നിന്ന് പുറത്തായത്. ഇതോടെ ജസ്പ്രിത് ബുംറയ്ക്കൊപ്പം പേസ് ആക്രമണം നടത്താൻ യുവതാരങ്ങൾ രംഗത്തിറങ്ങും.
advertisement
മെൽബണിൽ നടന്ന ബോക്സിങ് ഡേ ടെസ്റ്റിൽ ഷമിക്കു പകരം മുഹമ്മദ് സിറാജ് കളിച്ചിരുന്നു. മികച്ച പ്രകടനമാണ് സിറാജ് നടത്തിയത്. ജനുവരി ഏഴിന് ആരംഭിക്കുന്ന മൂന്നാം ടെസ്റ്റിൽ ബുംറയ്ക്കും സിറാജിനും താക്കൂറിനുമൊപ്പം ടി നടരാജനോ നവ്ദീപ് സെയ്നിയോ കളത്തിലിറങ്ങും.
തമിഴ്നാട്ടിലെ സേലത്തിൽ നിന്ന് 36 കിലോമീറ്റർ അകലെയുള്ള ചിന്നപ്പംപട്ടിയിൽ നിന്ന് ഓസ്ട്രേലിയ വരെ വന്നുനിൽക്കുന്ന നടരാജന്റെ ജീവിതം ആയിരക്കണക്കിന് യുവാക്കൾക്ക് പ്രചോദനമാണ്. ഓരോ തവണയും ചാരത്തിൽ നിന്ന് ഉയിർത്തെഴുന്നേൽക്കുന്ന ഫീനിക്സ് പക്ഷിയെ പോലെയായിരുന്നു നടരാജന്റെ ജീവിതം. തമിഴ്നാട് പ്രീമിയർ ലീഗിലെ മികച്ച പ്രകടനം വഴി ഐപിഎല്ലിൽ എത്തുകയും, അവിടെ നടത്തിയ തകർപ്പൻ പന്തേറിലൂടെ ടീം ഇന്ത്യയിൽ ഇടംനേടുകയുമായിരുന്നു ടി. നടരാജൻ. ടി20യിലും ഏകദിനത്തിലും നന്നായി ബൌൾ ചെയ്തതാണ് ഇപ്പോൾ ടെസ്റ്റ് ടീമിൽ പരിഗണിക്കാൻ ഇടയാക്കിയത്.
മലയാളം വാർത്തകൾ/ വാർത്ത/Sports/
India Vs Australia | ടി. നടരാജൻ ടെസ്റ്റ് ടീമിൽ; പരിക്കേറ്റ ഉമേഷ് യാദവിന്‍റെ പകരക്കാരനാകും
Next Article
advertisement
'സിപിഐ ഇതിന് മുമ്പ് പറഞ്ഞ വല്ല കാര്യവും പറഞ്ഞിടത്ത് നിന്നോ? നാടോടുമ്പോൾ നടുവേ ഓടണം:' വെള്ളാപ്പള്ളി നടേശൻ
'സിപിഐ ഇതിന് മുമ്പ് പറഞ്ഞ വല്ല കാര്യവും പറഞ്ഞിടത്ത് നിന്നോ? നാടോടുമ്പോൾ നടുവേ ഓടണം:' വെള്ളാപ്പള്ളി നടേശൻ
  • വെള്ളാപ്പള്ളി നടേശൻ സി.പി.ഐ. എതിർക്കുന്നത് ജീവിച്ചിരിക്കുന്നുവെന്ന് കാണിക്കാൻ മാത്രമാണെന്ന് പറഞ്ഞു.

  • പി.എം. ശ്രീ പദ്ധതിക്കെതിരെ സി.പി.ഐ. ഉയർത്തുന്ന വിമർശനങ്ങളെ വെള്ളാപ്പള്ളി തള്ളിക്കളഞ്ഞു.

  • ശബരിമല സ്വർണ്ണക്കൊള്ള വിവാദത്തിൽ ദേവസ്വം ബോർഡ് പിരിച്ചുവിടണമെന്നും അദ്ദേഹം ആവശ്യപ്പെട്ടു.

View All
advertisement