കാര്യവട്ടത്ത് വിന്‍ഡീസ് 'ദുരന്തം'; ഇന്ത്യക്ക് 105 റണ്‍സ് വിജയലക്ഷ്യം
Last Updated:
തിരുവനന്തപുരം: കാര്യവട്ടം ഏകദിനത്തില്‍ വിന്‍ഡീസിന് ബാറ്റിങ്ങ് തകര്‍ച്ച. ടോസ് ബാറ്റിങ്ങ് തെരഞ്ഞെടുത്ത വിന്‍ഡീസ് 31.5 ഓവറില്‍ 104 റണ്‍സിന് പുറത്താവുകയായിരുന്നു. വിന്‍ഡീസ് നിരയില്‍ രണ്ട് താരങ്ങള്‍ക്ക് മാത്രമാണ് 20 ന് മുകളില്‍ സ്‌കോര്‍ ചെയ്യാന്‍ കഴിഞ്ഞത്. രവീന്ദ്ര ജഡേജ നാല് വിക്കറ്റുകള്‍ വീഴ്ത്തിയപ്പോള്‍ ജസ്പ്രീത് ബൂംറയും ഖലീല് അഹമ്മദും രണ്ട് വിക്കറ്റുകളും വീഴ്ത്തി.
ഓപ്പണര്‍ കീറണ്‍ പവലിനെ ആദ്യ ഓവറില്‍ തന്നെ ഭൂവനേശ്വര്‍ കുമാര്‍ വീഴ്ത്തിയപ്പോള്‍ രണ്ടാം ഓവറില്‍ ഷായി ഹോപ്പിനെ ബൂംറ മടക്കുകയായിരുന്നു. റണ്ണൊന്നുമെടുക്കാതെയാണ് രണ്ട് വിന്‍ഡീസ് താരങ്ങളും കൂടാരം കയറിയത്. പിന്നാലെ രക്ഷാ പ്രവര്‍ത്തനം നടത്തുകയായിരുന്നു റോവ്മാന്‍ പവലിനെ (16)യും ഹെറ്റ്‌മെറിനെ (9)യും ജഡേജയും വീഴ്ത്തി.
മര്‍ലോണ്‍ സാമുവല്‍സ് പിടിച്ച് നില്‍ക്കുമെന്ന് തോന്നിച്ചെങ്കിലും ഖലീല് അഹമ്മദിന്റെ പന്തില്‍ ധവാന് പിടികൊടുത്ത് താരവും മടങ്ങുകയായിരുന്നു. 24 റണ്‍സാണ് താരത്തിന്റെ സമ്പാദ്യം. സാമുവല്‍സും നായകന്‍ ഹോള്‍ഡറും (25) മാണ് വിന്‍ഡീസിന്‍രെ ടോപ്പ് സ്‌കോറര്‍മാര്‍.
advertisement
മത്സരത്തിന്റെ ഒരുഘട്ടത്തിലും ഇന്ത്യക്ക് ഭീഷണി ഉയര്‍ത്താന്‍ വിന്‍ഡീസ് താരങ്ങള്‍ക്ക് കഴിഞ്ഞില്ല.
ഏറ്റവും പുതിയ സ്പോർട്സ് വാർത്തകൾ, ലൈവ് സ്കോർ അപ്ഡേറ്റുകൾ, മത്സര ഫലങ്ങൾ എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
November 01, 2018 3:55 PM IST
