Saumya Pandey IAS | പ്രസവിച്ച് രണ്ടാഴ്ച കഴിഞ്ഞപ്പോൾ കുഞ്ഞുമായി ജോലിക്കെത്തി; ഐഎഎസുകാരിക്ക് കൈയടിയുമായി സോഷ്യൽ മീഡിയ

താനൊരു ഐ എ എസ് ഉദ്യോഗസ്ഥയാണെന്നും അതിനാൽ തന്റെ സേവനത്തെ കൂടി നോക്കേണ്ടതുണ്ടെന്നും സൗമ്യ വാർത്ത ഏജൻസിയായ എ എൻ ഐയോട് പറഞ്ഞു. "കോവിഡ് 19 ആയതിനാൽ എല്ലാവർക്കും ഉത്തരവാദിത്തമുണ്ട്. തന്റെ കുഞ്ഞിന് ജന്മം നൽകാനും അതിന് പരിചരണം നൽകി വളർത്താനും ദൈവം സ്ത്രീകൾക്ക് ശക്തി നൽകി. ഇന്ത്യയിലെ ഗ്രാമങ്ങളിൽ സ്ത്രീകൾ തങ്ങളുടെ ഗർഭകാലത്തും വീട്ടിലെ ജോലികൾ ചെയ്യുന്നു. പ്രസവത്തിന് ശേഷവുമുള്ള കാലത്തും വീട്ടിലെ ജോലികൾ ചെയ്യുകയും കുഞ്ഞിനെ നോക്കുകയും ചെയ്യുന്നു. അതുപോലെ തന്നെ എന്റെ പെൺകുഞ്ഞിനൊപ്പം എന്റെ ഭരണപരമായ ഉത്തരവാദിത്തങ്ങൾ ചെയ്യാൻ കഴിയുന്നത് ദൈവാനുഗ്രഹമാണ്" - സൗമ്യ പാണ്ഡെ പറഞ്ഞു.