'SDPI, UDF പിന്തുണ വേണ്ട'; തെരഞ്ഞെടുക്കപ്പെട്ട ഉടൻ 4 LDF പ്രസിഡന്റുമാര്‍ രാജിവെച്ചു; BJP പിന്തുണച്ച റാന്നിയിലും രാജിവെക്കുമെന്ന് പ്രഖ്യാപനം

പഞ്ചായത്ത് അധ്യക്ഷസ്ഥാനത്തേക്കുള്ള തെരഞ്ഞെടുപ്പില്‍ എസ്.ഡി.പി.ഐയുടെയും യുഡിഎഫിന്റേയും വോട്ട് കിട്ടി തെരഞ്ഞെടുക്കപ്പെട്ട് നാല് സിപിഎം പ്രസിഡന്റുമാര്‍ മിനിറ്റുകള്‍ക്കുള്ളില്‍ രാജിവെച്ചു. ബിജെപിയുടെ വോട്ടോടെ അധികാരത്തിൽ വന്ന റാന്നിയിലും രാജിവെക്കുമെന്ന് എൽഡിഎഫ് അറിയിച്ചു. തൃശൂര്‍ അവിണിശ്ശേരിയിലും ആലപ്പുഴ തിരുവന്‍വണ്ടൂരിലുമാണ് യുഡിഎഫ് വോട്ടുകള്‍ കിട്ടിയതിന് പിന്നാലെ എല്‍ഡിഎഫ് പ്രസിഡന്റുമാര്‍ രാജിവെച്ചത്. തിരുവനന്തപുരത്തും പത്തനംതിട്ടയിലും എസ്.ഡി.പി.ഐ വോട്ട് കിട്ടിയതിന് പിന്നാലെ രാജിവെക്കുകയായിരുന്നു.